Հայփոստն այսօր

Հայփոստ ՓԲԸ-ն Հայաստանի Հանրապետության փոստային կապի ազգային օպերատորն է, որը տրամադրում է փոստային, ֆինանսական և մանր առևտրային ծառայություններ: Ներկայումս Հայփոստ ՓԲԸ-ն իր գործունեությունը ծավալում է 900 փոստային բաժանմունքներում, որոնք գործում են ՀՀ բոլոր քաղաքներում և գյուղերում:

2006թ. նոյեմբերի 30-ին Հայփոստի հավատարմագրային կառավարման պատասխանատվությունը ստանձնել է <<Հայփոստ Թրասթ Մենեջմենթ>> ՓԲԸ-ն: Հավատարմագրային կառավարչի նպատակը Հայփոստի գործունեությունն առավել թափանցիկ, արդյունավետ, առևտրային և իր հաճախորդներին հաշվետու դարձնելն է` ինչպես Հայաստանում, այնպես և երկրի սահմաններից դուրս: Արդյունքում նախատեսվում է Հայփոստ ՓԲԸ-ն դարձնել միջազգային չափանիշներով փոստային և ֆինանսական ծառայություններ մատուցող փոստային օպերատոր:

Հիմնական ծառայություններ

Հայփոստի կողմից առաջարկվող ծառայություններից են`
Փոստային ծառայություններ - նամակների առաքում (հասարակ, պատվիրված, գնահատված), ծանրոցների առաքում, միջազգային փոստ, և ԱՓԾ
Վճարային ծառայություններ - կենսաթոշակների վճարում, կոմունալ վարձավճարներ, ոստիկանական և հարկային վճարներ գանձում, դրամական փոխադրություններ
Մանրածախ առևտուր - առաջին անհրաժեշտության ապրանքների վաճառք:


Ներդրումներն առ այսօր

Հավատարմագրային կառավարիչը շարունակում է ներդրումները տարբեր մակարդակներում:
2007թ. հուլիսի 19-ին Հայփոստը բացեց իր առաջին վերանորոգված փոստային բաժանմունքը` լիովին վերափոխված և տեխնիկապես վերազինված` հաճախորդներին տրամադրելով ինտերնետ ծառայություններ, մանրածախ առևտուր, և այլն:

Առ այսօր հանրապետության ողջ տարածքում Հայփոստն արդեն վերաբացել է 30-ից ավել փոստային մասնաճյուղ և բաժանմունք:

Ամբողջությամբ նորոգվել եւ նոր բրենդին են համապատասխանեցվել մասնաճյուղերն ու բաժանմունքները:
Փոխվել եւ նորացվել են ենթակառույցները:
Տեղադրվել են արդի ծրագրերին համապատասխանող նոր համակարգիչներ:
Նորացվել է մալուխային համակարգը եւ այլն:

<<Հայփոստ Թրասթ Մենեջմենթ>> ՓԲԸ -ն նախատեսում է առաջիկա տարիներին բացել 250-ից ավել նորացված փոստային մասնաճյուղ եւ բաժանմունք հանրապետության ողջ տարածքում:
Առաջիկայում կմեկնարկի կադրերի վերապատրաստման մեծ ծրագիր:
Ինչպես նաև կսկսվեն On-Line ցանցի ներդրման աշխատանքները:

Հայփոստը վաղը

Ծառայություններ

Հայփոստն աշխատում է ընդլայնել իր մատուցած փոստային և ֆինանսական ծառայությունների ցանկը` ցանկանալով բավարարել իր հաճախորդների պահանջները: Մոտ ապագայում Հայփոստի մատուցած ծառայությունների ցանկում կներառվի նաև էքսպրես փոստը, որի նպատակն է հանրապետության ողջ տարածքում հաճախորդներին փոստի առաքումը իրականացնել դռնից-դուռ: Մշակվում են նաև բիզնեսին ուղղված փոստային ծառայություններ, որոնք հավելյալ արժեք կտրամադրեն հաճախորդներին` մշակելու և իրականացնելու Ուղիղ Փոստային Կապի իրենց գովազդարշավները:

Միջազգային փոստի ծավալների մեծացմանն օգնելու նպատակով`Հայփոստը նաև համագործակցում է մի շարք միջազգային փոստային օպերատորների, միջազգային և մասնավոր բեռնափոխադրող ընկերությունների հետ:

Ֆիլատելիստական ծառայությունների առումով` Հայփոստը համագործակցում է ֆիլատելիայում մասնագիտացած մի շարք միջազգային ֆիլատելիստական ասոցիացիաների և փոստային օպերատորների հետ` թողարկվող նամականիշերի որակը բարձրացնելու և նամականիշերից ստացված հասույթը մեծացնելու նպատակով:

ՓոստԲանկ
2010 թ. Հայփոստ ՓԲԸ-ն կսկսի փոստբանկային ծառայությունների մատուցումը Հայաստանում: