Թողարկման օրը` 29 ապրիլի 2009
Տպարանը` Joh. Enschede (Հոլանդիա)
Տպագրությունը` օֆսեթ
Թուղթը` առանց ջրային նիշերի, 110 գ/մ2
Գույնը` բազմագույն
Համացուցակային համարը` 410
Անվանագինը` 220 դրամ
Չափսը` 40,64/24,13մմ
Մեկ թերթի վրա` 10(2x5)
Տպաքանակը` 30000
Հեղինակ` Հ.Սամուելյան


Տուշպա-Վանը գրավոր սկզբնաղբյուրներով վկայված Հայկական լեռնաշխարհի հնագույն այն քաղաքն է, որն անընդմեջ գոյատևում է շուրջ 28,5 դար: Իր հիմնադրման ժամանակներից Տուշպա-Վանը եղել է ուրարտական կամ Վանի թագավորության, նրա անմիջական ժառանգորդ հանդիսացող Երվանդունիների հայկական պետության, իսկ 10-11-րդ դդ.` Վասպուրականի թագավորության մայրաքաղաքը:
1915 թ. Եղեռնի ժամանակ և դրան հաջորդող տարիներին Վանը միակ խոշոր բնակավայրն էր, որի ինքնապաշտպանությունն ավարտվեց հաղթանակով, իսկ 1917-1918 թթ. այստեղ ստեղծված կառավարությունը 20-րդ դ. հայկական առաջին քաղաքական կազմավորումն էր:
Վանա ժայռը ոչ միայն բնության, այլև մշակույթի հուշարձան է, քաղաքի հնագույն մասի կենտրոնն է: Պաշտպանական կառույցներից զատ` ենթադրվում է, որ Վանա ժայռի քարայրները ծառայել են որպես սրբավայրեր և ուրարտական արքաների դամբարաններ:
Նամականիշում պատկերված է մի հատված Վանա ժայռից և մերձակայքում գտնվող Վանա լճից: