Թողարկման օրը`18 դեկտեմբերի 2009
Տպարանը` Letra Viva S.A. (Արգենտինա)
Տպագրությունը` օֆսեթ
Թուղթը` առանց ջրային նիշերի, 105 գ/մ2
Գույնը` բազմագույն
Համացուցակային համարը` 432
Անվանագինը` 280 դրամ
Չափսը` 34/44 մմ
Մեկ թերթի վրա` 9(3x3), 6(3x2)
Տպաքանակը` 57000
Հեղինակ` Ս.Ազարյան


Սուրբ Ծննդյան նամականիշի և գեղաթերթիկի թեման "Մոգերի երկրպագությունը" տեսարանն է, որը վերցված է Մատենադարանում պահվող Մալաթիայի ավետարանից (N10675), որն արտագրվել և նկարազարդվել է Թորոս Ռոսլինի կողմից` Կոնստանդին 1-ինի պատվերով, Հեթում արքայազնի` ապագա Հեթում 2-րդի համար:
1080-1375թթ. գեղարվեստական կյանքը կենտրոնացված էր Կիլիկիայում,որտեղ այդ շրջանում կար հայկական թագավորություն: Թորոս Ռոսլինը իրավամբ համարվում է Կիլիկիայի խոշորագույն նկարիչը, որ ստեղծագործել է 13-րդ դարի կեսերին` այդ ժամանակաշրջանը սերունդների համար վերածելով կիլիկյան մանրանկարի դասական շրջանի:
"Մոգերի երկրպագությունը" ավետարանական սյուժե է երեք իմաստունների մասին, որոնք Արևելքից գալիս են մանուկ Հիսուսի առաջ խոնարհվելու և նրան նվերներ ընծայելու: