Մանրամասն
Հետևել

The Opera House in Armenia boasts a tradition of centuries; its foundation and the first period of activity in Yerevan go back to the second half of the 19th century.

Նորություններ Նորություններ
Համագործակցության պայմանագիր Հայփոստի եւ ՀՀ Պետական Եկամուտների Կոմիտեի միջեւ

Համագործակցության պայմանագիր Հայփոստի եւ ՀՀ Պետական Եկամուտների Կոմիտեի միջեւ

Այսօր` հուլիսի 18-ին ստորագրվեց համագործակցության պայնագիր Հայփոստի եւ ՀՀ Պետական Եկամուտների Կոմիտեի միջեւ, ըստ որի "ՀայՓոստ"-ի վերանորոգված և արդիականացված բաժանմունքներում ստեղծվում են հարկ վճարողների սպասարկման կետեր, որտեղ աշխատելու են Պետական Եկամուտների Կոմիտեի ներկայացուցիչներ: Պայմանագիրը ստորագրեցին ՀՀ Պետական Եկամուտների Կոմիտեի նախագահ Գագիկ Խաչատրյանը, "Հայփոստ Թրասթ Մենեջմենթ"-ի գլխավոր տնօրեն Խուան Պաբլո Գեչիջյանը, "Հայփոստ" ՓԲԸ գործադիր տնօրենի պաշտոնակատար Հայկ Ավագյանը:

Խուան Պաբլո Գեչիջյանի խոսքով` Հայփոստը եւ Պետական Եկամուտների Կոմիտեն համընթաց քայլ են կատարում աշխարհում ընթացող գործընթացների հետ, քանի որ օր-օրի ավելանում է ինտերնետ- վաճառքների քանակը եւ այս պայմանագիրը հնարավորություն է տալիս ավելի արդիական սպասարկում իրականացնել հայփոստի բաժանմունքներում: Գագիկ Խաչատրյանն իր խոսքում ընդգծեց, որ Հայփոստի ցանցի օգտագործմամբ, Պետական Եկամուտների Կոմիտեն ինքն է գնում դեպի բնակչությունը, ավելի հասանելի դառնալով հարկ վճարողների համար:

Հայփոստում Պետական Եկամուտների Կոմիտեի ներկայացուցիչների հիմնական գործառույթներն են լինելու էլեկտրոնային եղանակով հաշվետվությունների ներկայացման, հարկերի, տուրքերի և այլ վճարումների հետ կապված հարցերին օժանդակումը, ինչպես նաև հարկային և մաքսային վարչարարության, օրենսդրության հետ կապված հարցերի պարզաբանումը: Իսկ սպասարկման կետերում տեղադրված տերմինալների միջոցով Պետական Եկամուտների Կոմիտեի ներկայացուցիչների աջակցությամբ հարկ վճարողները կարող են նաև հարկային հաշվարկներ ու հաշվետվություններ ներկայացնել:

Նախատեսվում է նաև, տեխնիկական հնարավորությունների դեպքում, առանձին փոստային բաժանմունքներում իրականացնել փոստային առաքանիների արտահանման և ներմուծման հետ կապված մաքսային ձևակերպումներ և մաքսազերծում: Այս նախաձեռնության առանձնահատկություններից մեկն այն է, որ հարկ վճարողները հնարավորություն կունենան նույն վայրում միաժամանակ օգտվել ինչպես ՊԵԿ, այնպես էլ «ՀայՓոստ»-ի ծառայություններից: Այսպիսով, սպասարկման կետերի քանակի և աշխարհագրական տեղաբաշխվածության ընդլայնումը թույլ կտա այդ ծառայություններից օգտվող հարկ վճարողներին խնայել բավականին ժամանակ և միջոցներ:

Այս համագործակցությունը համահունչ է "Հայփոստ Թրասթ Մենեջմենթ"-ի ստրատեգիական ծրագրերին: Մինչեւ 2013թ. ավարտը "Հայփոստ"-ի նորոգված բաժանմունքների թիվը ողջ հանրապետությունում կանցնի 200-ից: Միաժամանակ 2013թ. "Հայփոստ Թրաստ Մենեջմենթ"-ը կիրականացնի խոշոր փոստային եւ կոմերցիոն ծրագրեր "Լա Փոստի", "Փոստե Իտալիանեի" և "Պոչտա Ռոսսիի" հետ: Կիրականացվեն փոստային առաքանիների լոգիստիկ պրոցեսների վերակազմավորում, արագ դրամական փոխանցումների նոր համակարգերի ներդրում, ծրագրային լուծումների նոր համակարգերի ներդրում, ավտոմեքենաների շարժակազմի թարմացում, փոստբանկային ծառայությունների ներդրում, կատալոգային վաճառքների ընդլայնում եւ այլն:

Հայփոստ ՓԲԸ հավատարմագրային կառավարիչ Հայփոստ Թրաստ Մենեջմենթի 2013 թ.-ի ծրագրով շարունակվում է ՀՀ փոստային կապի ազգային օպերատորի արդիականացման եւ զարգացման լայնամասշտաբ ծրագիրը, որի համաձայն մինչեւ տարեվերջ նախատեսվում է արդիականացնել եւ նոր ստանդարտներին համապատասխանեցնել 60 փոստային բաժանմունք եւ մասնաճյուղ: Ըստ նոր ծրագրի, 8 փոստային բաժանմունք կարդիականացվի Երեւանում, 52-ը`մարզերում: Հայփոստ Թրասթ Մենեջմենթ-ն առանձնակի ուշադրություն է դարձնում մարզերում Հայփոստ-ի պատշաճ ներկայությանը, փոստային և հարակից ծառայություների զարգացմանը:

Հայփոստ Թրասթ Մենեջմենթը մտադիր է Հայաստանի Հանրապետությունում զարգացնել ավանդական փոստային ծառայությունները, ներդնել ավելի ժամանակակից սուրհանդակային, ֆինանսական եւ կոմերցիոն ծառայություններ` Հայփոստը դարձնելով ազգային առաջատար փոստային օպերատոր տարածաշրջանում:

Հայփոստ Թրասթ Մենեջմենթ
Հայփոստ ՓԲԸ

Ֆոտոալբոմ (1)