Մանրամասն
Հետևել

The Republic Square (Armenian: Հանրապետության հրապարակ Hanrapetu'tyan Hraparak) is the large central town square in Yerevan, The square was designed by architect Alexander Tamanian within the 1924 main plan of Yerevan city. 

Նորություններ Նորություններ
«Հայփոստը» մասնակցել է «ՉԻՆԱՍՏԱՆ-2019» համաշխարհային ֆիլատելիստական ցուցահանդեսին

«Հայփոստը» մասնակցել է «ՉԻՆԱՍՏԱՆ-2019» համաշխարհային ֆիլատելիստական ցուցահանդեսին

Հայաստանի Հանրապետությունը՝ ի դեմս ՀՀ փոստային կապի ազգային օպերատոր «Հայփոստ» ՓԲ ընկերության, ս. թ. հունիսի 11-ից 17-ին մասնակցել է Չինաստանի Հուբեյ նահանգի կենտրոնական Ուհան քաղաքում կայացած «ՉԻՆԱՍՏԱՆ-2019» համաշխարհային ֆիլատելիստական ցուցահանդեսին: Այս միջոցառումը հայտնի է նաև «ֆիլատելիայի օլիմպիական խաղեր» անվանմամբ:


Ցուցահանդեսի կազմակերպիչներն էին Չինական փոստը, Համաչինական ֆիլատելիստական ֆեդերացիան և Ֆիլատելիայի միջազգային ֆեդերացիան: 1999 և 2009 թվականներից հետո Չինաստանը երրորդ անգամ էր հյուրընկալում համաշխարհային ֆիլատելիստական ցուցահանդեսը: Միջոցառումը համախմբել է ֆիլատելիստական կազմակերպությունների, ներկայացուցիչների և փոստային կապի օպերատորների աշխարհի 84 երկրից՝ դառնալով միջազգային ֆիլատելիայի ասպարեզում մշակութային փոխանակման մեծագույն իրադարձությունը Չինաստանում:


Ցուցահանդեսի ընթացքում տեղի է ունեցել նաև «Չինաստան-2019» ՀՓՄ մրցութային ծրագիրը, որին մասնակցել են Համաշխարհային փոստային միության (ՀՓՄ) ազգային փոստային օպերատորների ներկայացուցիչները՝ 2015-ից 2018 թթ. իրենց թողարկումներով:


Ցուցահանդեսին Հայաստանը ներկայացնում էր Հայփոստի ֆիլատելիայի վարչության ղեկավար Մարգարիտա Հակոբյանը: Հայկական տաղավարում (Ա 49) ցուցադրված էր հայկական ֆիլատելիստական արտադրանքի լայն տեսականի: Այցելուների ուշադրությունն ամենից շատ գրավել են «Լուսնային Նոր տարի. խոզի տարի» և «Եվրոպա-2019. ազգային թռչուններ» նամականիշերը: Վերջինս այժմ մասնակցում է նամականիշերի ամենամյա «ԵՎՐՈՊԱ» մրցույթին:


Հայփոստը ևս մեկ անգամ հաստատում է հայկական ֆիլատելիան աշխարհին ներկայացնելու և հայկական նամականիշերի դիրքը միջազգային ֆիլատելիստական շուկայում ամրապնդելու իր առաքելությունը:


«Հայփոստ» ՓԲԸ

«ՀայՓոստ Թրասթ Մենեջմենթ» Բ.Վ.

Ֆոտոալբոմ (6)